Халықаралық қызмет

Халықаралық тәжірибені зерделеу және шетелдік эмитенттер мен инвесторлардың отандық қор нарығы туралы хабардар болуын арттыру мақсатында Биржа өз қызметін халықаралық аренада жалғастыруда.

Биржа халықаралық биржалық қауымдастықтардың (WFE), Federation of Euro-Asian Stock Exchanges (FEAS) және ТМД елдерінің Халықаралық Биржалар Қауымдастығы (ТМД ХБҚ) мүшесі болып табылады және осы ұйымдардың жұмысына белсенді қатысады.

Биржа қаржы технологиялары, шағын орта бизнес, дамушы нарықтардың қызметі және тұрақты даму мәселелері бойынша WFE жұмыс топтарына кіреді. Жұмыс топтары шеңберінде Биржа дамушы нарықтарға шетелдік инвесторларды тарту және ШОБ-ты қор нарықтарына тарту мәселелері бойынша тергеулерге қатысты.

FEAS аясында, Биржа реттеу, инвесторлармен өзара іс-қимыл және тұрақты даму жүйелері мәселелері бойынша бірқатар жұмыс топтарына кіреді, Биржа Басқармасының Төрағасы 2015 жылдан бастап 2018 жылға дейін FEAS жұмыс комитетінің төрағасы болды. Биржа FEAS дамуының жаңа стратегиясын әзірлеуге белсенді қатысты. FEAS-ға белсенді қатысу халықаралық тәжірибені зерделеумен сүйемелденеді және Биржаның шетелдік биржалармен және олардың қатысушыларымен халықаралық қарым-қатынасын нығайтуға мүмкіндік береді.

2018 жылдың қараша айында Биржа ҚРҰБ және ҚҚҚ мен Биржамен бірлесіп ұйымдастырылған VIII қаржыгерлер конгресі аясында “Экономиканың тұрақты дамуындағы қор биржаларының рөлі” Қазақстандық биржалық форумын өткізді. Осы форумға шетелдік биржалар, биржалық қауымдастықтардың төрағалары және халықаралық қаржы ұйымдарының өкілдері қатысты. Іс-шара аясында ТМД ХБҚ мүшелерінің кезектен тыс отырысы өткізілді, онда қатысушылар іске асырылған жобалармен бөлісіп, жалпы стратегиялық жоспарларды талқылады.

2018 жылы екі биржаның арасындағы ынтымақтастықты тереңдетуге бағытталған, “Тошкент” (UZSE) Республикалық қор биржасымен ынтымақтастық туралы Меморандумға қол қойылды. Ынтымақтастық шеңберінде биржалық нарықтарға рұқсат беру туралы, тәжірибе алмасу туралы, бағалы қағаздарды Биржада және UZSE-де орналастыруға және айналысқа жіберуге өзара рұқсат беру туралы мәселелер қарастырылады.

Биржа тәжірибе және биржалық ақпарат алмасу есебінен екі тараптың жұмыс тиімділігі мен бәсекеге қабілеттілігін арттыру мақсатында Баку қор биржасымен (BSE) ынтымақтастық туралы Меморандумға қол қойды.

Биржаның Біріккен Ұлттар Ұйымының “Тұрақты Қор Биржалары” (SSE бастамасы) бастамасына қосылуы аясында, биржа дамушы нарықтардағы компаниялар үшін ақпаратты ашу, экологиялықты, әлеуметтік жауапкершілікті және корпоративтік басқаруды бағалау практикасын (ESG критерийлері) ашықтық пен таратуды қамтамасыз ету мәселелері бойынша International Finance Corporation (IFC) ұйымдастырған дөңгелек үстел отырысына қатысты.

Биржа АҚШ, Ұлыбритания, Қытай, БАӘ, Египет, Катар, Греция, Оман сұлтанаты, Ресей, Өзбекстан және Тәжікстанда жұмыс сапарларын, презентациялармен сөз сөйлеуді, қаржы ұйымдарымен, биржалармен және реттеушілермен таныстыру және түсіндіру кездесулерін өткізді.